藍黃對話
藍：點解要訓街呃？
黃：我要普選、要梁振英下台、要踢走自由行、買唔到樓、申請唔到公屋、大陸人攞綜援要香港人養 ………(下删100個理由)
藍：普選你認為有咩好？
黃：我地自己揀，唔係個政府自己話哂事，民生可以改善…..(又再重覆而家人工低、買唔到樓、自由行搶貴哂D野….)
藍 : 但你爭取訴求訓街阻到人喎？
黃： 我抱歉我阻到你，但係我係為緊全香港人著想先咁做，法律責任我會承擔。
藍 : 點承擔？
黃： ar……….咪坐監留案底囉。
藍：咁被你地影響到開唔到飯、要執笠、要破產個D點計呃？
黃： ar…………….都係個句，我係為佢地好先至咁做，佢地應該體諒我。
藍 : 你地佔中既理念係？
黃：愛與和平、非暴力 (仲擺出和平手勢)
藍：旺角個班都係非暴力？
黃：個班同我地唔同，我地係金鐘既(好自豪咁既樣)
藍：但係你地D佔中領袖話旺角個D都係非暴力，仲成日叫人去支援既？
黃：呢個問題就………你問番佢地…….
藍 : 講下收$既傳聞？
黃：我地一路都話反佔中個D收$架啦，又黑社會又盛。
藍 : ar…….其實我係問緊收黑金議員同美國支持佔中個單喎？
黃：(扮聽唔到)
藍：自由行有咩唔好？
黃：佢地搶貴哂D野，周街痾尿。
藍：親戚朋友有冇人做sale, 服務性行業？有冇問過佢地D大陸人佔佢地幾多生意額？
黃：有……….點都好佢地係衰格嘛……..就算我D friend做sales都係咁話架….
藍：即係邊賺人錢邊鬧人衰格，你問清楚佢地冇左D大陸人得唔得先..
黃：…………………………………………
藍：點解買唔到樓？
黃：人工咁低，D樓咁貴點買呃、而家淨係交租都去一大截啦，點儲錢啫！
藍：以前有首次置業你有冇考慮過買樓？
黃：當時未準備好嘛。
藍：9成半按揭時呢？好少首期之嘛？
黃：個時我想再睇定D先。
藍：咁沙士時D樓咁平你唔買？
黃：個時邊有人敢買喎，份工都危危乎。
藍：咁幾時先係你要買樓既時機？
黃：我而家今日即刻買得起咪係最啱時機……….(又開始鬧而家買唔到樓…….)
藍：講下公屋問題？
黃：我申請左幾年啦都冇聲氣，係咁係度捱貴租！
藍：你認為咩問題幾年都上唔到樓？
黃：咪個仆街政府將D地賣哂比發展商，唔愛黎起公屋囉。
藍：董伯伯當初推8萬5，全香港鬧到死架，如果當初起左你覺唔覺得好D？
黃：……….係好D………係好D。
藍：可惜呃當時又係比班議員搞風搞雨實行唔到，你知唔知個時梁振英有份協助策劃8萬5架？
黃：……….ar…………….……….
藍：咁而家東北發展你又反對，可以有幾萬個公屋單位喎？
黃：…………..……….(滴汗中)
藍：大陸人攞綜援你都好不滿呵？
黃：梗係啦，香港人納既稅要養埋佢地，仲要由7年改為1年就可以申請，食窮我地！
藍：其實你知唔知當初落黎香港7年先可以申請綜援個陣，單程証只佔全部申請綜援人數唔夠15%？
黃：係咩………咁而家改為1年就申請到實多好多人申請啦，你話呃呢個政府幾無能呃！
藍：你搞清楚，呢個唔係政府政策黎架，係有班PK議員個時幫條友做司法覆核最後終審法院判左改為一年。香港法治社會黎架法院判左冇得改架！
黃：邊個仆街議員咁賤！
藍：咪而家叫你出黎佔中個D囉，白癡！刨下文先出黎撐佔中啦！
http://www.singpao.com/xw/yw/201312/t20131218_478820.html
http://cueric.tripod.com/article/new_page_13.htm
藍：忍唔住送多個”李啅淫”發言比你，佢係立法會仲話要派$6000比來港一年人士添。
https://www.youtube.com/watch?v=wMVWkh76lDU (由2:00開始聽)
藍 : 好啦針對你上面講既問題，全部都唔係梁振英搞出黎架喎，你做乜反佢呢。
黃：總之唔係普選出黎既我唔滿意。
藍 : 就算普選出黎個個都可能改變唔到你最先訓街既理由架喎？邊個做你認為得？
黃： 我唔知邊個做會好，但我唔理起碼要試下，呢個係我地天賦既權利 (頭75度向天，眼泛淚光)
藍: 如果差過而家呢？
黃：我唔理未試過點知。
藍：咁如果真係衰到貼地呢？
黃：我再訓街…..再爭取。
藍：%@X(@^Y!@7
藍：幾時先肯收手？
黃：滿足到我地訴求就收手。
藍：即係最開頭你講個堆問題？
黃：唔。
藍：大佬呀……….個度9萬幾個問題，解決哂你先徹？解哂比你知啦喎。
黃：我唔理，滿足唔到我我唔會走，就算689下台我都要留守到最後!!!!!!!! (開始自言自語：學聯唔代表我、屍峰唔代表我、三子唔代表我)
藍: ………(面青中)……. 究竟我同緊個咩人傾偈呢？？？？
都幾似様喎。（講下笑啫，佢嘅大作我都未睇過。）