今早去到茶餐廳，有做銀行客人話，明年樓宇買賣將有機會由銀行直接過數，銀行其實唔想，不過年中有律師行倒閉，被律師行走數超過一億元，金管局冇辦法唔做嘢。
我個人認為如果由銀行直接過數，將會有很多交易到最後一刻取消，理由是多個香爐多隻鬼，現在一單樓宇買賣交易，牽涉買賣雙方，以及買賣雙方律師，買賣雙方冇問題，非常之希望完成交易，但買賣雙方律師有問題，但是他們的出發點是保障聘用他們的人，經常各持己見，如果雙方律師咁高咁大，大家都不肯讓步，交易隨時會取消，不過，由於買賣雙方希望完成交易，會向律師施壓，甩拖的個案不多，但如果由銀行直接轉賬，銀行一定要買賣雙方同意所有條件以及法律責任，銀行才會過數，多了銀行這個香爐，又會多了銀行法律顧問隻鬼，買賣交易就存變數。
