今早去到茶餐廳，老闆問我食飯有冇鋪報紙，我話現在屋企將飯枱是玻璃枱面，食飯時分別鋪枱墊，沒有鋪報紙，不過，細個時在舖頭食飯就會鋪報紙，有乜咁奇怪，原來，茶餐廳伙記食飯一向是鋪報紙，但有報道，有女朋友去男朋友家裡食飯見用報紙鋪枱立刻大鬧，究竟用報紙鋪枱食飯啱唔啱。
我認為冇話啱冇啱，不過就符合環保原則，如果不用報紙鋪枱，就一定會用膠枱布，都唔知要用多幾多膠枱布，政府應該鼓勵市民用報紙鋪枱食飯，現在大家好鍾意移民去的英國，雖然不會用報紙鋪枱食飯，但就會用報紙包食物，尤其是炸魚薯條，唔用報紙包都唔夠風味，老實說，在疫情下，同事在公司食午餐，我亦要求他們用報紙鋪枱，但從來冇畀人講一句閒話，那位小姐太千金，未打過工。
