大家不時見到市場上有業主賠訂重售，不過，大家未必知道那些賠訂重售很多時都賣唔出，就算賣得出，售價可能比賠訂的售價還要低，究竟是什麼原因。
今早去到茶餐廳，昨日話賣了樓，而又遭買家大幅加價摸售的客人在座，今次帶埋佢老婆，佢話他們兩公婆商量過之後，決定接納物業代理意見，對已售物業賠訂重售，由於只是收了5%細訂，加上2%佣金，都只是7%，雖然要損失
百多萬，總好過買家如果能夠賣得走，要損失接近千萬元，不過，在賠訂重售之前，問問我們的意見，全茶餐廳連老闆在內，冇人回答，我唯有頂硬上。
其實我唔應該講，大幅加價是可以，就算加一倍都得，但是否能夠賣得出是另外一回事，我估計是很難，物業炒家不是求豐厚利潤，而是薄cut，有5%已經唔錯，更何況有人替佢俾佣金，物業代理收足2%，賠唔賠都唔關佢事，更何況賠訂做少很多功夫，重售即是有一個新盤，老實說，我唔敢俾意見，萬一賠訂之後，買家大幅加價而又賣得走，豈不是一褲都係。
