一向以來，我提醒打算買樓人士，買樓是私人決定，在成交之前千祈唔好同人講，否則一定會畀人嚇到唔敢買，甚至會撻訂，那些人唔使多講，一句就夠。
今早去到茶餐廳，有兩個客人在講買樓，其中一個另一個勸打算買樓的人唔好買，除了話香港人撤資，又話美國加息，仲話做人要居安思危，打算買樓的人話，如果他居安，一定會思危，但可惜在過去幾年打算買樓的時候，都被身邊的友人勸退，至今仍然要租樓住，而勸退他的人反而買了樓，他們是居安，如果再投資買樓就一定要思危，但現在沒有安居，就更加要思危，一定要考慮買樓，否則樓價繼續上升，就冇機會買樓，以後都要租樓住，那位打算買樓的人問對方有沒有買樓，答案是去年老婆揸主意買了，不過還未通知大家。
