今早去到茶餐廳，有客人話有一筆欠債，債仔是知名人士，但始終唔肯還債，有其他債主叫佢合作一齊追債，不但慳返不少費用，又唔使自己一個得罪債仔，但一定要簽一份合作追債協議，佢揸唔定主意，專登到茶餐廳問我們意見。
由於我很少私人借錢比人，所以，追債的事，我很難給予任何意見，但有人曾經提醒我，千祈唔好同其他人合作追債，否則大家同意收幾個%，合作的人亦不得不同意，咁就大件事，最近亦發生了一單類似的追債事件，現在大多數合作人同意每100元還3蚊，如果簽了合作協議，可能要被迫同意，我重新講多次，這並不是我的意見，只不過是有人提醒我。
