今早去到茶餐廳，有客人問點解我冇在馬會寫波，我話可能稿費太貴，又或者太準，令馬會輸錢，客人話，有時候用一個局外人去分析，有不同效果，否則，所有評論員都是用同一語言，睇的人都會覺得悶。
摩連奴始終被炒，老闆問究竟是什麼原因，其實，被炒是意料中事，我反而唔知熱刺點解要請摩連奴，至於被炒原因，就是摩連奴不懂得換人藝術，經常都太早用了最後一個換人名額，正在場中進行比賽球員，知道不會被換出，反而冇咁積極，熱刺在最後階段由贏變和，和變輸，最低限度損失10分，如果有多10分，摩連奴未必會被炒，老闆問，幾時用最後一個換人名額，我認為應該是最後5分鐘，輸波的一隊換一個前鋒入嚟，贏波的一隊當然換多一個守衛，太早用哂換人名額反而令全隊球員唔敢博，或者唔會博。
