很多人移民都是話為了下一代，其實，他們唔知道下一代未必會領情，而且會做出與父母相反的決定，回流香港。
今早去到茶餐廳，見到一個世侄，佢老豆在我回流香港時移民離開，理由同現在的移民一樣，他們不想移民，只不過是為了下一代，但點解世侄在香港，而且身光頸靚，應該撈得唔錯。
世侄話當日跟著佢老豆移民，讀書的時候還可以，但畢業之後很難搵份好工，而且佢老豆亦鬱鬱不得志，經常話如果不是為了他就不會移民，於是把心一橫，決定回流香港，現在做得唔錯，好彩當日把心一橫，否則就好似其他同學，唔係做倉務員就係做會計，至於佢老豆，有多少無顏見江東父老，點都唔肯返香港，見到世侄令我想到移民的下一代，可能又要移民，而且是回流當日離開的地方，移民是為了下一代，抑或是害了下一代，要當事人才知道。
