一般來說，如果大家知道一個樓盤是移民急讓，直覺上該樓盤樓價應該低於市價，其實又不是一定，主要是要睇是否真的急讓，如果不是，樓盤叫價反而會高於市價。
今早去到茶餐廳，有客人話準備移民，打算賣走一些物業，叫大家埋嚟睇埋嚟揀，可以慳返不少佣金，老闆睇完之後問個客，所有樓盤叫價都高於市價，既然是移民急讓，應該低於市價，問客人是否真的是移民，或者借移民藉口賣樓，客人話他真的是移民，他亦知道要價比市價高，但是樓宇的質素比較好，而他亦不是急讓，總之啱價就會考慮，如果不是移民，他一定不會賣樓，客人咁樣搞法，他可能不知道，如果出現一些高價成交，香港樓價會無端端被扯高，移民反而會令樓價上升，講都冇人信。
