我不時被人問，既然樓市處於上升軌跡，點解仍然有人撻訂，尤其是買新樓的人，抽到籖已經好好彩，點解到成交時要撻訂，我簡單話那些人頭太細，唔覺意戴了一頂高帽，有人明白，亦有人不明白。
今早去到茶餐廳，有人問老闆借錢，原因是他去年買一個舖位，由於唔夠首期，只能問財務公司借錢，打算一年後待舖位升值，再轉到銀行，但由於香港舖位價格受到疫情影響，不但不能將舖位轉去銀行做按揭，反而被財務公司追差價，否則就要付更多利息，在老闆溫柔地拒絕之後，那人便離開，老闆話早已同那人講過，冇咁大個頭就唔好戴咁大頂帽，大家唔好以為這是鬧人的說話，其實，這句話好使好用，我不時被人送高帽，目的是要我買一些物業，有時我會話自己個頭太細，戴唔起咁大頂帽，尤其是一些高帽，不過，有很多人對那些高帽是很受用，不知不覺戴了那頂高帽，以後就會很麻煩。
