我細個時成日聽阿嫲講，日防夜防家賊難防，當時都唔知阿嫲講乜，原來真係好有道理。
今早去到茶餐廳，有女客人話今次捉蟲，拍拖都經常帶埋閨蜜一齊去，而閨蜜又經常彈她的男朋友，以為冇問題，誰不知男朋友被閨蜜撬走了，下星期結婚，當然冇請佢飲，今次真的是日防夜防，家賊難防。
有另一位客人話未夠慘，佢帶風水師傅去睇樓，層樓他與家人都十分滿意，但風水師傅話唔好，邊個住邊個衰，如果唔係，業主又點解要賣樓，隔了一段時間，佢發現層樓已經賣走了，新業主原來是風水師傅，搞到佢差啲要離婚，老闆話，經一事長一智，撬牆腳的多數是自己友。
