今早去到茶餐廳，見到一個客人同物業代理傾計，原來物業代理攞一張offer買客人的自住單位，價錢很低，客人當然不開心，其實客人沒有打算賣走他的自住單位，只不過有代理問價，他叫代理客人出價，誰不知價錢咁低，搞到非常冇癮，其實，客人不了解，如果冇興趣賣樓，就唔表示有興趣，叫買家出價，價錢一定很低，無謂搞到自己唔開心。
在疫情之下，很多業主，尤其是只得一個單位的業主都犯了一個毛病，當有物業代理話有客人有興趣他的物
業，叫業主出一個價，不少業主根本不打算賣，但又很想知道他們的單位可以賣多少錢，於是回覆物業代理，叫他的客人出一個價睇下，物業代理會俾一個價，不過一定會大幅低於市價，業主當然唔開心，我曾經聽過有業主要去EAA告那位物業代理，其實告什麼，是業主自己放棄了主動權，是業主叫買家出價，所以，唔打算賣樓，千祈唔好叫物業代理的客人俾一個價，後遺症是很大。
其他物業代理知道有業主急願意低價賣樓，出價只會愈來愈低，幾個月之後，業主甚至會說早知當日一早賣樓，最後真的會以低價賣走不打算賣的單位，這招叫打樁式鋤價，但如果業主不叫物業代理俾個價，就不會出現一個定點位，沒有定點位就不能打樁。
