今早去到茶餐廳，見到一個大隻佬與一個普通人嘈交，因為太大聲，大家都知道是普通人追債，大隻佬話普通人追債的態度唔好，冇friend 做，走了，普通人很無奈坐在茶餐廳繼續飲他的咖啡，老闆叫佢睇開d，借錢比人已經預咗收唔返，更何況是大隻佬，普通人話，最初有還息，不過就好低息，到最近不但唔還息，仲避而不見，就算見面態度都很惡劣，所以條氣唔順。
其實千祈唔好借錢比人，尤其是實力強横的人，前蘇聯賣原材料給德國，最後被德國打到暈，美國供應石油
及軍火比日本，最後偷襲珍珠港，德國與日本撩交打，最後的目的是雙方變成交戰國，唔使還錢。
美國欠債26萬億美元，就算1%年息都要2,600億美元，都唔知點還，最後唯有撩交打，頭號對手當然是中國，雙方如果是交戰國，根本不會有債務問題，輸的一方就是債仔，特朗普是生意人，知道有機會可以唔使還債，仲唔死鋤中國，但特朗普不知道，中國持有美國國債不足發行量10%，如果美國撩交打，其他國家見在眼裡，就一定唔買美國國債，這才令美國有所顧忌，而事實上有實力的人欠債，最後都是打交收場，實力不足的原債主仲要割地賠款求和，清政府就是這方面的表表者。
