今早去到茶餐廳，老闆問今晚有冇嘢做，一齊在茶餐廳睇英超。我話我不是員工，冇資格在茶餐廳睇英超。除非全部人，包括員工乜都唔食唔飲，否則就犯了限聚令，令到餐廳聲名大噪就唔好意思。不過無論如何，今晚一定要睇英超。除了爭四強，六強外，還有護級戰都好睇。港人更梗掛住曼聯，今晚食粥食飯就要睇綠木先生，條靚仔只得18歲，英超復賽後踢到好似識飛。
我經常同人講，如果中國同美英冷戰，香港的戰略地位就更加重要。英國放290萬BNO護照持有人去英國，中央電視台立刻停播英超，國內今晚唔知有冇得睇。由此可見，就算中國與美英交惡，幾方面都唔會郁香港，希望留條後路。天下大勢，分久必合，合久必分，唔留一條後路就很蝕底。中國是不會封這個後門，要封都是香港人自己封。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
廳睇英超。我話