今早去到茶餐廳，有客人話英國已經取消港英引渡
協議，美國很快就會實行，香港冇運行。老實說，我並不認為美國會取消港美引渡協議，如果係，香港就發達。不少金融家銀行家就會搬到香港，而事實上已經有不少銀行家搬離紐約。如果取消引渡協議，他們可以放心搬到香港而不用擔心美國政府制裁。老實說，現在在美國投資危如累卵，唔知道幾時會被制裁。正所謂君子不立危牆下，搬離紐約，搬離美國亦是明智之舉。美國政府當然有相關資料及數據，所以遲遲唔肯取消引渡協議。
客人不服，仲話我在去年底，美國推出人權法之後不會制栽中國以及香港官員，現在已經有4名新疆官員被制裁。我算是甩牙鉸。挑！根本是風馬牛不相及，制裁新疆官員關人權法什麼事？現在已經冇人理人權法，就算制栽都只會話違反中英聯合聲明，唔敢用人權法國安法，但始終冇任何行動。英美唔係儍，現在叫到聲嘶力竭，除了加澳兩眼之外都冇其他國家跟，美國都準備打退堂鼓。在南海，本來有兩艘航空母艦，現在有一艘已經離開。而法新社仲話，美國國防部長有意訪問中國。世事如棋，我們小市民唔係咁意睇得通，千祈唔好跟車太貼，否則就要移居海外。
