茶餐廳亂話（717）美元與餅店禮券

　　今早去到茶餐廳，發覺多了不少生客，老闆話那些都是某一間餅店禮券持有人。昨日有傳聞說那間餅店結業，令到不少禮券持有人今早到來換餅。不過，點換都冇用，到茶餐廳食早餐的人，有一些竟然揸幾百打禮券，就算換到都一定食唔哂。這個謠言影響很大，除了那一間餅店應該不會有人買餅咭之外，亦影響其他餅店。所以，從來沒有餅店停用禮券。否則，就會影響自己。老闆突然間問我有冇興趣以三折買餅咭，有客人出售，多多都有，我都唔知點答。

　　其實美元也是差不多，大家相信美元，夠膽將資產放在美國，美元便值錢。否則，美元就要大幅貶值。所以，美國免得過都唔會話凍結某個國家在美國資產，否則，就沒有國家夠膽用美元做儲備，或者放資產在美國。現在美國為了香港又話要制裁中國，凍結中國人在美國資產。其實咁樣講只是贏了咀炮，嚇死全世界有儲備放在美國的國家，唯有慢慢將資產撤離美國，所以有經濟學家話美元將會貶值35%。不過，經濟學家以學術文字解釋美元貶值，大家可能睇唔明。其實，美國可以隨便制裁人，可以凍結在美國資產，令到全世界不敢揸美元，或者揸少一些美元，美元就會貶值，但經濟學家又怎會說出這個簡單道理。