今早去到茶餐廳，老闆話有一個生客搵我，唔知道是否因為買了匯豐而找我晦氣。老實說，我畀匯豐不派息單嘢搞到頭赤，嚴格來說我也是受害者，點解不少沒有
用真名的評論員唔叫人找匯豐，而不斷撰文找我麻煩，甚至有報章話我信用破產。真的不明白，好彩亦有不少資深評論員甚至報章社長撐我，我以為事情已經終結，點解到今日仍然有人搵我。
見面後，知道那位客人不是找我麻煩，而是多謝我。原來當日有人叫佢炒期油，佢話信我買了匯豐，較早前匯豐唔派息，叫佢買期油的人叫佢告我，甚至可以安排報章做訪問，一於唱衰我。不過，那位客人亦知道，投資的事自己負責，點可以告任何評論員，當早昨日油價跌至負數，三星3175要自動轉倉，5月做了結算之後轉倉至9月，5月賣油要畀錢買家，9月用26元買番。如果到時油價不到26元要輸多轉，現在他想搵那個叫佢買期油的人都搵唔到，佢話當日好彩信我買了匯豐，如果買期油，隨時要搵錢贖身。所以，今早專程來多謝我。其實，我應該多謝他雪中送炭。近日不少人在我的Facebook問信我買了匯豐的人怎樣，我話是虛構，大家不用擔心，又畀人話作古仔信用破產，真係唔知點講至啱。現在油價負值，又沒有人行出來指責任何提議他們買期油的人，真奇怪。
