主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅收藏樓盤免費業主放盤業主刪除樓盤代理登入

樓盤收藏 | 免費業主放盤 | 業主刪除樓盤 | 代理登入 | ENG

主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅

主頁 / 豪宅論壇 / 敢說亮話

瀏覽人次：21174 回應：16

茶餐廳亂話（679）貼埋大床嫁女

2020年4月21日

湯文亮

紀惠集團行政總裁

　　今早去到茶餐廳，老闆話昨晚冇瞓，但不是失眠。其實他是很眼瞓，不過很想見証人類歷史，今次比溶斷還奇怪，就是油價變負數。即是閣下買五月油，油商畀錢你，仲唔係小數目，是每桶-36美元，而油價曾經超過100美元，究竟發生什麼事。

　　老實說，我都唔識得解釋，我估計由於新冠疫情影響，各國用油量大幅下跌，而產油國又增產，導致各油倉爆滿，油商唯有貼錢賣油。老闆大娘話有什麼奇怪，以往那些大戶人家，見到自己個女年華逐漸老去，又沒有人提親，就會吩咐媒人婆話，任何人願意聚佢個女，都有豐厚禮金，甚至連大床都畀埋。坊間叫這做貼埋大床嫁女，不過，想唔到油商都要用這一招。

上一則：

茶餐廳亂話（678）限聚令下被遺棄的人

下一則：

茶餐廳亂話（680）好彩買了匯豐

更多...

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 真真薯片 2020-04-21 11:21:36

中國最需要就係買油，多多都殺，今次真係中國勢成最大贏家

2. 十一哥 2020-04-21 11:36:56

成套mechanism而家睇就好簡單、不過未挾之前··就好多專家覺得油平過水點會輸、唔記得咗期貨玩法本質…典型當局者迷、十一哥就唔敢馬後炮、衹係堅信個個都話抵買…就係老千夠功力、不過呢下似係刮塘底..又不妨手多多。

3. 引刀一快 2020-04-21 12:49:19

https://m.mingpao.com/ins/%E5%9C%8B%E9%9A%9B/article/20200421/s00005/1587436212934/%E7%BE%8E%E5%AA%92-%E9%87%91%E6%AD%A3%E6%81%A9%E6%89%8B%E8%A1%93%E5%BE%8C%E6%83%85%E6%B3%81%E5%8D%B1%E6%AE%86

殺人滅口。

4. 油平過水點會輸 2020-04-21 12:55:46

唔知惡晒行凶仲有冇對沖?

5. 自醉 2020-04-21 14:24:12

道理好簡單，期油係實貨交收，5月期油21號要埋單，每張期貨1000桶，玩槓桿冇錢埋單，幾錢都要沽啦！有錢埋單，買咗搵人就地燒咗佢都賺到笑。所以話呢，大時代仲傻下傻下玩啲自己都唔知係咩嘅高槓桿咪自己攞嚟衰囉！哈哈哈！

6. 十一哥 2020-04-21 14:51:22

計到阿爺有幾多個桶裝油…肯定係國家機密、就知邊個笑到抽搐。

7. O 2020-04-21 15:14:46

10日夠起間醫院，我念唔使五日起成幾個油倉一D難度都冇。

8. 中俄果然老友 2020-04-21 17:37:11

俄羅斯搞到以後要貼錢賣石油俾中國，果然老友。

9. Stephen Wong 2020-04-21 17:44:27

To7F

依家亞爺係要聚新抱，唔係嫁女。

10. 十郎 2020-04-21 20:25:29

呢次係炒燶石油期貨呀。

中俄為左建輸油管，簽左120蚊桶石油，還未完結呀。咁樣你就知俄羅斯點解咁硬啦。我睇過一個報導，沙地平油冇中國可以買的。

11. 十一哥 2020-04-21 22:07:34

十哥呢D係唔識亂咁噏嘅網文、阿爺同毛子交易係根據市價計數嘅、中間唔存在賭價、睇番紀錄價格..同期向沙特買油差唔多…差別一個幾毫。

咁長期合約阿爺點會綁死一個價、第一如果升到150、你估毛子會唔反悔 ? 第二如果有咁貴價傻合約存在兩個最大進/出口國之間、國際油價有乜條件跌到PK ?

12. 十一哥 2020-04-21 22:30:56

期…油價…挾到呢個價已經係借盡疫情因數、點賭就各自修行。

13. 十郎 2020-04-21 22:49:13

中國好早就請俄羅斯建輸油管直接賣油到中國，俄羅斯扭扭擰擰唔想做，因為佢有大客仔歐盟。後來烏黑蘭克里米亞事件，俄羅斯遭美國帶領歐盟制裁俄羅斯，加上美國等國家推低油價，俄羅斯入不敷出，經濟陷入極度困境，得中國預付200億美元，每桶120元令俄羅斯建成輸油管。中國唔救俄羅斯，俄佬C能左啦。

石油大冧之前，美國重施故技，威脅德國停建俄羅斯嘅歐洲輸油管，想要歐洲買美國頁岩油。冇幾耐就爆出石油大跌，美國已經有頁岩油企業破產，你話會唔會咁巧合？

14. 引刀一快 2020-04-22 02:03:23

俄羅斯呢劑肺炎中國都焗住硬食，俄佬仲有咩唔敢？公就佢贏字就我輸係常態。

如果升到150蚊一桶，蘇聯唔使賴賬，搞壞條油管揾理由唔出貨俾中國，拖到回落先補返就得，蘇聯嘅風格就係咁，唔似德國日本，軸心國態度反而公道啲。

15. 十一哥 2020-04-22 09:10:55

刀刀納粹/㗎仔唔係公道D、係膽色同戰鬥力嘅問題、冇乜邊個friend 邊個unfriend、最緊要自身手瓜腰骨夠硬..唔蝦霸足矣。

16. 路人B 2020-04-22 11:28:07

引刀切左果個太監連個腦都壞埋 , 成日妄想 !