茶餐廳亂話（659）不可以立例禁止家務助理放假

2020年3月22日

湯文亮

　　茶餐廳老闆請今晚食飯，我話多謝，不過疫情嚴峻，可以少出街都唔敢出街，老闆今早茶餐廳有熟客話政府應該立例禁止家務助理放假，究竟政府可不可以這樣做，會不會侵犯人權，老實說，我認為政府冇權這樣做，否則，一定會有人大做文章，一定會搞到政府很頭痕，現在多一事不如少一事。

　　老闆知道我有三個家務助理，問我有冇禁止她們放假，政府唔敢我又點夠膽做，不過，我的家務助理自從農曆新年之後便沒有放假，我雖然唔可以禁止，但可以利誘她們唔好放假，我給予雙倍薪金，她們亦樂於不放假，就是這樣便可以解決問題，毋須政府立例禁止，老闆話同意，約定兩個星期後才請食飯。

上一則：

下一則：

更多...

我要回應

我的稱呼

回應 / 意見

回應 / 留言規則

敬請留言者自律。本網站保留刪除/堵截任何留言的權利。

會員登入

1. 學到嘢 2020-03-22 17:45:06

人同此心，心同此理。家務助理對香港經濟有貢獻。多謝湯博士嘅文章。

2. 十一哥 2020-03-22 22:15:15

小心…小心、不能以薪代假、係都唔好爆響口、一陣比有色狀棍䀹到就濕滯。

3. Fisherman 2020-03-22 23:33:12

香港啲勞工法例係偏幫顧主。

很多香港人都誤解大假勞工假等不可以以薪代假。

實際情況是勞工法例列明顧員有權利要求放假唔要錢，

但如果顧員同意下，可以用薪金代替所有假期（包括全部大假）。

引子：保安員每一個月上限返工時間是360小時。你點諗？

所以啲大狀唔會考慮呢啲咁細單嘅糞屎。

4. 放假 2020-03-23 00:17:21

不能以薪代假，是指勞工假，只要之後疫情過後補放已可。至於七天放一天的假，工人是可以自願不放，有薪或無薪也可。

5. 引刀一快 2020-03-23 01:40:38

雙工都未必夠佢地擺地攤和味，而且女人圍堆唔止係鄉愁，仲係私人八卦俱樂部，缺席一次，俾人背後講乜都唔知，哈哈哈哈

我有位長輩，打風都要去飲茶，可能就係咁解。

6. 打風都要去飲茶 2020-03-23 01:54:23

實情係本講腦細屋企細，冇訂好企，又唔可以帶同鄉返去，留響老細屋企分分鐘仲要抽水做義工，所以焗住揾街去。

7. 十一哥 2020-03-23 09:45:24

係好多抝撓位、你情我願…但C冇對證、比有心狀棍教路…簽名都係受咗壓力…配埋感性劇情、唔好爆響口就係咁解、橫掂開工都冇打咭。

8. 假期與薪酬 2020-03-23 17:01:49

4樓講得大致都對，只是補充一點，另訂休假係要在60天內。

年假方面，僱員可以選擇接受款項代替部分年假，但祇限於超逾 10 天的年假部分。

法定假期（勞工假）就一定要放，唔可以買假。