今早去到茶餐廳，聽到老闆大娘猛呻，話好心被雷劈，原來大娘見到同區住的一位老人家，兒子又不理他們，早餐都時有時無，於是一力擔承，話茶餐廳每日都會送
早餐給他們，而且仲係免費，如是這樣過了幾個月，近日由於外賣太多，未有按時送給那位老人家，講都無人信，那位老人家竟然到茶餐廳鬧老闆大娘，不知情的人想也不想就覺得老闆大娘不對，老闆話早已叫大娘唔好這樣做，唔做善事就唔會畀人鬧，搞到自己咁勞氣。
近日我真的不知道點解咁多人去排隊買口罩，而且一路排隊一路鬧政府，話政府唔幫唯有自己幫自己，其實，新冠肺炎已經有了超過一個月，稍有準備的人都會自己買口罩，唔需要每一件事都由政府做，政府已經為不少人提供公屋，綜援，就算沒有提供口罩，都不用在鏡頭面前猛鬧政府，況且並不是買唔到口罩，只是比平時貴一些，就算是10元一個，一個月都是用300元，估計在一個月之後，就會有大量口罩供應，我覺得今次政府好似老闆大娘一樣，平時做得太好，稍有失誤，就畀受惠者鬧到失魂，最後，老闆大娘對那位老人家講，最近生意不好，要節約成本，送外賣的人少了，不能為那位老人家送早餐，老實說，香港亦將會有同樣情況，陳茂波已經話今年財赤將會是史無前例，我估計福利將無可避免要削減，受惠者有大把機會鬧政府。
