|
1. 引刀一快 2019-06-11 13:09:42 |
|
引渡條例對大灣區發展不利，好多少接觸大陸嘅新一代，可能出於恐懼，乾脆唔返大陸發展，怕一個唔覺意成為引渡目標，唔返去就省心。 |
|
2. 貴公子 2019-06-11 16:55:46 |
|
始終大陸的法律亂來的, 原告除時可以變被告, 最怕唔好彩遇著假公安拉人封鋪, 到時俾美國有藉口取消香港關係法, 搞到中共偷雞唔到蝕渣米, 唔衰攞黎衰! |
|
3. 不要老眼光睇祖國 2019-06-11 19:54:51 |
|
中國大陸10几億人口都行大陸法律，他們也生活得好好。不要用老眼光睇祖國。 |
|
4. 路過 2019-06-12 02:09:58 |
|
其實大部份年青人怨氣真係因為送中條例，又或者大陸干預咩？其實就係年青人睇唔到前景，不斷想推倒政府重來，根源根本就係利益傾斜，試問香港讀書有用咩，夠炒樓有用咩？政府官員全部起碼幾層樓揸手，將心比己我真係唔覺得佢地有心解決房屋問題，係解決都等佢地上哂岸先，所以送中條例只係起爆點，根本唔係問題既根本，大家繼續買爆樓市啦，香港將來只會有房地產一個產業，我係係香港一個默默耕耘既創意媒體工作者，如果依個論壇真係有政府官員睇到，你要明白年青人既怨氣比你地想像中大，已經係臨界點，今日送中條例咁清晰都已經可以動員咁多年青暴徒，我相信下次再冇類似就一定見血收場，大家繼續貪婪啦，你地將來一定窮得只剩下樓，博士長期讀者上 |
|
5. 貴公子 2019-06-12 08:06:33 |
|
To 4樓 其實香港已經係一個好地方，基本上失業率低到幾乎全民就業，如果和新加坡比較，自由言論好多了，年青人可以係網上對領導者指指點點。樓市方面：早年有物業者都嘗試過97的負資產，有些還要搞到破產收場；年輕人不要單單為了幾百呎而不滿，仍有大把機會上車買樓，首先係做好自己，每個年代都有每個年代既困難。 |
|
6. Zeitgeist 2019-06-12 08:53:17 |
|
To: 4樓 路過人士 2019年前，上天降下ㄧ個救世主，人類點反應？將衪送上十字架。 1997年，上面叫董建華做特首，董生話香港地產太貴，起85000，話香港產業太集中，做中藥港數碼港，港人點反應？500,000人上街叫佢落台。 有人話: 歷史是重復的，其實社會各樣條件不ㄧ樣，怎可能重復呢？是因為人類愚昧無知是無改變過，惰性是天性，姓賴是天下第一大姓，所以物轉星移，又重復歷史囉！ 今日的年青人怨氣，話無前景，話制度不公，要敢教日月換新天，可敬，可敬。 但搞革命，睇吓共產黨搞革命歷史，自問學識，能力，犧牲精神，堅忍不拔性格，通通都不及他們百份ㄧ，只怕出師未捷身先....... 既然無胆又無料，不如諗吓其他方法？ 1. 學多些，天道酬勤，將相本無種，男兒當自強，學到華為的備胎固然好，學唔到就增加自己本業的能力囉！ 2. 抽吓"民怨"水，人性貪婪無限，民怨長有，可以長做長有，出書寫稿做埋Talk Show. 3. If you can't beat them, join them. 唔使自命高清住，先加入炒賣行列，發咗達才立品。 4. 跟國策走，ㄧ帶一路，大灣區，雄安新區，東北改造，遠嘅去中東非洲，亂嘅去敍利亞黎巴嫩，百業待興，人地話危機，你睇是商機。男兒志在4方，何必被689, 777煩心呢？ 馬克思講: 人類至今的歷史，就是ㄧ部階級鬥爭的歴史。1997-2003是有樓是負資產對通縮揸現金鬥爭的歴史，2003-現在是有樓才是王道對揸現金日日縮鬥爭的歴史。 By The Way，即使有大動亂，大革命，笑到最後仍是強者，不是搞暴亂的後生仔，睇吓2003年後最發的地產商是如何越做越強就知----低潮補地價，補土地儲備，人地是進可攻，退可守。後生仔只有前無後，點夠玩啊？
|
|
7. 十一哥 2019-06-12 09:16:58 |
|
4樓講咗觸媒要點、正苦助長虛擬財富發酵、已經冇得返轉頭、唔止惰後嘅發茅…實體經營者都絕望、由懵懂呢個庸才開始…賣公產、已經絕咗社會經脈、專注公營房屋供應…係唯一出路、私營市場…玩者自負…冇洗為政者擔心、衹要公營不能私賣就冇問題。 |
|
8. 觸媒要點 2019-06-12 09:56:43 |
|
唔係咁嘅，上次響老陳度講左啦，現代制度會加劇人民對政權的依賴，食唔飽着唔暖要抵賴，冇人工加更加會手軟腳軟，除非好似老美咁，一個月唔出糧已經要借貴利，財長都叫你去借。在外國，稅重，生活成本重，指的是要人招呼你果啲，但自己煮自力更生則便宜，這些國民沉澱精神培養是香港沒有的，當然老董老松昏姨哩啲新時代冇掩雞籠派響另一方面居功至偉殊堪加許啦。 |
|
9. 十一哥 2019-06-12 10:02:59 |
|
6樓 人一定要當自強、思維會跟時空生活條件而改變、上咗岸就覺得風光明媚、比咗下一代冇壓力下成長、11-2歲獨處家中…父母都算犯法、成長後就覺得社會照顧佢地係理所當然、人…性格就如信仰…成型就難改、玩革命就係傳教士…鼓動利用年青人有專業嘅究研。 |
|
10. 人一定要當自強 2019-06-12 10:33:59 |
|
一個地方和平發展地價自然貴, 日日打仗嘅地方就算你點自強無從發展地價自然平, 本講響貪曾治下咩都冇做過, 然後積重難返。 |
|
11. 舍神 2019-06-12 11:16:26 |
|
|
|
12. 自愿守护罪犯 2019-06-12 11:19:39 |
|
想不到香港有这么多人自愿守护罪犯，还说是守护香港。 |
|
13. 是沒有好結果! 2019-06-12 11:25:42 |
|
由 03 過左 16 年, 窮日子富日子都過唔到, 對阿爺黎講已經冇任何藉口。 |
|
14. ＷＷＳＧ 2019-06-12 14:45:47 |
|
今日文匯報有介紹逃犯條例執行和不包括事項細節,比其他傳媒一味渲染白色恐怖強.
|
|
15. 路過 2019-06-12 15:54:42 |
|
To 貴公子 我當然知道香港係好地方，但我都係重申依家係嚴重利益傾斜，由我細個聽到依家都仲有圍標，合謀競價條例都係做幾年先有，十幾年咁長時間政府既官員都諗唔到任何方法，啟德我細個時候聽會起無煙城，成日幻想大個左啟德係我將來大左既時候會有一個全亞洲第一既無煙城，但到今日仲係一塊爛地，建築商大判三判二判係香港咁耐，依然係無制度保障到工人有汗出有糧出，二判走數大判二判都係輕罰，發展商可以屯地，自己買自己樓托市，起納米樓，數都數唔哂，仲要唔係一年兩年既事，都無任何方法可以解決依啲問題，十幾年啦，唔係十幾日，咁你話我知政府裏面既官員究竟每日係做緊啲咩緊要野而至無辦法解決依啲問題？可唔可以公開負責房屋問題既官員公開自己以及家族有房產係手？仲適唔適合制定房屋政策？依個最多水位既職位我認為應該嚴密監察。我再重申係十幾年啦，仲要等多幾多個十幾年，我唔想我既行業係香港撤底消失，你可以同我講唔滿意咪走囉，我可以同你講唔駛你講我認識好多叻既人已經走左，去台灣，加拿大，日本.... 我地依個行業既人係全球都有需球的，所以唔好講咩唔滿意就走，我唔走係因為唔想我愛既地方將來連依個行業都永遠消失，好似曾經輝煌既製衣業. 歷史係不斷重覆的，人既貪婪亦係無止境的, 賺錢係無錯的，但依家利益完全傾則埋一邊，去到大到不能倒，但政府官員都仲係一種慢慢黎唔駛急既心態，因為佢地知就算出面環境幾差都好，佢地都有糧出，政策幾差都好，佢地都唔會有事，試問係依種制度下，究竟有邊個咁傻係會去制定新政策，依啲種種原因先係令到年青人絕望既原因，利益傾斜 |
|
16. 今日文匯報有介紹 2019-06-12 15:58:42 |
|
介紹俾邊個睇? 特衰政府響等退休嘅過程裏面成日諮詢啲所謂持份者, 其實係啲自以為有啦能的人, 諮諮吓佢地以為自己真係受害人。 |
|
17. 路過 2019-06-12 16:48:43 |
|
To 6樓 其實唔駛你講，我地做電腦動畫既將來都會要去大灣區發展，創意媒體係深圳係有實質支持的，只係無人會係香港講，香港最叻做左咩，由曾特首搞出黎既數碼港x貝沙灣項目，入到去你就知關咩創意媒體事？根本就係地產項目，國內做依啲項目，係一個園區咁做，集中埋一齊搞，香港係你同我講我咪應酬下你囉，但我本業都係地產 |
|
18. 路過 2019-06-12 17:07:32 |
|
利益傾斜係你係其他行業做足18個鐘，都唔夠地產商做3個鐘，你可以話正常，但我唔覺係因為能力高低所得出既結果，以係人為做成，係有政府工作速度超慢，裏應外合加持的, 依啲野年青人係見到架，但又吹佢地唔脹咪搞大佢囉 |
|
19. 依啲野年青人係見到架 2019-06-12 17:19:28 |
|
年青人應該問吓自己父母有冇既得利益者, 有冇視光師, 有冇收租, 有冇呃公屋, 等等 |
|
20. 畫公仔做足18個鐘，都唔夠地產商做3個鐘 2019-06-12 17:55:10 |
|
認真啲講, 其實哩度有幾個問題, 第一係美元放棄金本位後濫發, 而由金融財俊搞出黎的老美房利美房貸美稻草人爆煲捲舖蓋繼而更濫發, 所以要追究的應該是帝猶的金融財俊逐利之下搞到你, 第二係社會天下太平其實賺錢係易左雖然錢不是好使左, 咁哩樣我唔知係好定係壞, 因為冇大學讀嘅時候大家怨冇大學讀, 到人人有得讀嘅時候就怨自己點解冇得脫穎而出, 咁你當初都唔係求哩樣, 第三則是冇幾耐(可能冇廿年)之前賣老翻 $40 隻好好賺, 但後來發現賣正版 $10 隻仲好賺, 不過可能因為太好賺, 港產片已經冇左了, 起馬不是以前你倦戀果個藝術創作蓬勃果個時代咁好. 是耶, 非耶... |
|
21. 路過 2019-06-12 18:15:35 |
|
To 20 同市場無關係，我做緊好多都係外國同國內電影，係政府政策問題，打個比方流浪地球有部份拎左去歐洲個邊做，特技公司覺得係一個好既特技片，去左問政府攞補助，出黎效果先咁好，本身套戲預算係唔夠拎去歐洲做的，香港係俾舊錢出黎，以後一班職業寫計劃書既人就係咁呃政府錢，根本就對行業毫毛幫助，相比地產既傾斜，簡直係九牛一毛 |
|
22. 係咁呃政府錢 2019-06-12 21:06:12 |
|
文官統治就係咁，個個睇 report 唔理實事，英式制度下將啲野 standardized 因為咁最易過日辰，食老本積惰難返今時今日已經無力開發啲乜嘢。 |
|
23. 路過 2019-06-13 00:19:13 |
|
To 22 我可以講今次既暴動好明顯係市民對政府官員無能既一次大爆發，官員再唔自我檢討，應該好快會引發新一輪既大爆發，同議員無關，係官員 |
|
24. 吹脹 2019-06-13 00:41:13 |
|
澳門向橫琴借地， 香港都可以問阿爺借地， 但係香港班後生接受咩？ 同埋要分清楚 ，銀紙貶值定係樓價升值？ 香港就係得地產？ 之前有幾多官員，有心人士極力爭取香港係一帶一路同大灣區，香港定位做一個 契約中心 ，仲裁中心， 修訂逃犯條例過唔到， 即係代表 冇政治互信， 香港啲律師，法官，開口埋口都話大陸啲證據假， 人證假，乜都假， 到時咪單單案都係大陸輸？ 咁阿爺點會將個仲裁中心擺喺香港呀？ 以後你班律師，法官，告嚟告去咪都係嗰啲 掟三文治，搶手機， 釘書機釘大髀嘅 案件囉！ 遲啲到咗中國5G 時代來臨 ，又搞一埸埸乜乜反監控 ， 反操控不被導航 ， 發誓保護G自由時代 鬥爭， 咁你話香港 點解 淨係得地產？ |
|
25. 路過 2019-06-13 04:36:53 |
|
To 24 arm arm收工先見到你留言，其實依個問題係一開始大家都無咁抗拒大陸接管香港的，至少我眼見係，只不過回歸以後阿爺信錯一個又一個既人，採取無為以治既方法，董先生又生不逢時，又俾奸人所害，再加上曾特首當時既勾地減財赤法，孫公應記一功，今日每每都會想起佢既孫九招同埋開會訓著既情景，睇住啟德地皮開頭憧憬會變成亞洲第一無煙城，後來曬足十幾年太陽，你話無官商勾結真係無人信，睇住地產商一塊塊農地十幾萬收，依家賣4百幾萬一個單位，再起過高級會所，收你30幾蚊尺管理費，再百幾萬賣個車位俾你，然後高官輕描淡寫咁講句，請業界自律，再加上禮頓，售樓不透明，都只罰50萬，多到我都已經數唔到了，已經十幾年了，如何叫人唔絕望，如何相信政府係正常？如何叫人唔買爆樓市？球證，球員，足總都係佢地既人，無得輸既情況下邊會有人會去投資行業? 所以香港問題既精結都依然係官員既無能 |
|
26. 路過 2019-06-13 04:44:42 |
|
如果真係有官員睇依個討論區，希望你地真係早番個有良心既人，賺夠就唔好再折磨香港啲後生仔，俾條生路行下，做番啲好事，唔駛退左休後日日求神拜佛原諒啦 |
|
27. 路過 2019-06-13 04:47:21 |
|
唉，文被刪，我都依度有審查，不過我都係講事實 |
|
28. 引刀一快 2019-06-13 06:03:30 |
|
大陸同香港借地就唔接受，大陸借地俾香港，有便宜唔駛洗頸，邊個會唔接受呢？就算借塊沙地你玩下泥沙，都係好嘅。 問題重點，依家若果俾香港飛地的話，無論裡面夾雜幾多泥沙，香港人應該𠼱飯應，係咪真係俾塊地香港發展先？t25p |
|
29. 路過 2019-06-13 15:06:10 |
|
哦，原來無被刪，係電腦延遲，sorry |
|
30. sorry 2019-06-13 15:29:46 |
|
唔駛 sorry，阿快會提議你開番個 account，不過個名啲字是藍色，不是黃色的。 |
|
31. 路過 2019-06-13 17:02:54 |
|
To 30 其實分咩顏色呢，有啲人就特登想我地分顏色，我係香港人，就係咁簡單 |
|
32. To 31 2019-06-13 17:25:32 |
|
英式幽默就係咁，大家疾嚟疾去，但不會捅破那張紙，有了這種技能才好去參與政治，這是中國人和香港人很難學上手的。 |
|
