今日中午去茶餐廳食午餐，老闆不在。老闆娘話老闆今早睇歐霸杯，仲話睇完返工，誰不知睇完之後立刻翻瞓，到現在還未起床，仲話水吧安哥女朋友嚟左食午餐，要介紹俾我識。咁奇怪？水吧安哥女朋友我們見過，因為老闆睇波的時候很多時都會叫幾個老友一起打邊爐，一起睇波，安哥的女朋友有時嚟幫手，都不是眼前那一位。年輕人的事我不方便過問，換一個新女朋友又不是什麼大不了的事，我繼續食我的午餐。
老闆娘離開之後，水吧安哥立刻同我講那位小姐不是他的女朋友，只不過是一位新客人，同佢幾好傾，
打算落單話由佢找數，誰不知忘記了。老闆娘見那位小姐冇埋單又準備離開，於是問安哥與那位小姐的關係，安哥隨口答是他的女朋友，而那位小姐當時未走，亦直認不諱，誰知道老闆娘話自己人，由佢請客。我話安哥咁犀利，真的是情急智生。如果老闆娘知道是一位普通客人，安哥一定會被照肺。安哥話說不上情急智生，只不過是向高官偷橋。有親密關係，錢銀的事可以大事化小，就算安哥唔認，我都要俾個like佢。
