今早去到茶餐廳，水吧安哥話收到老闆WhatsApp，老闆昨晚失眠，要晏些少才返工。不過話口未完，老闆已經返到茶餐廳，仲話昨晚失眠，甚至連安眠藥都冇效，問有冇一些可以治失眠方法。治失眠方法因人而異，各施各法，李白就會舉頭望明月，低頭思故鄉；孟浩然在風雨的晚上睡唔著就會想夜來風雨聲，花落知多少；鬼佬就會數綿羊；亦有人睇書，不過全部都冇用，失眠是冇得醫，亦沒有特效藥。不過，有一種天然藥物可以治失眠，百分百有效，就是天光。很多失眠人士希望早些天光，他便可以起床，但很奇怪。當天開始光，他們便會眼瞓。老闆話真的冇錯，今早他打算早一些回茶餐廳，但五點幾天開始光，他便很眼瞓，於是立刻WhatsApp 水吧安哥話遲些少返工。老闆問我點知失眠特效藥，久病成醫而已。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
而異，各施各法，李白就會舉頭望明月，