今早有微微雨，跑步比較辛苦。跑完之後去到茶餐廳，有客人叫我今日去參加反逃犯引渡惡法，如果唔參加，他日隨時被內地省市政府以不同罪名要求香港政府將我引渡回國內，仲話今次冇呃我。我同意條友今次冇呃我，不過他被人呃。有人著草去了台灣，臨行前叫香港人一定要今日去參加反引渡條例遊行。另外一個就在多倫多嘆世界。我不明白，那些受到直接影響的人都唔去參加，而我這個身家清白的人去參加，我恐怕被人誤會。
我問條友如果我去參加遊客，倘若有記者問：「博士，你參加遊行，是不是身有屎？」我應該怎樣回答？如果我在國內冇犯罪，更加沒有被定罪，點解要參加遊行？條友當然唔識答，原來他不是被人呃，其實他身有屎，現在根本不敢返回國內，甚至連今日去遊行都唔敢，只會叫其他人去。不過，他這樣做亦是正常，我估計今日去參加遊行的人，絕大多數都是身冇屎，反而身有屎的人就不會去參加。如果唔信，叫電視台訪問那些去參加遊行的人，問他們是不是逃犯。我估計一個都沒有，身有屎的已經離開香港，有錢去歐美，冇錢去台灣。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
如果唔參加，他日隨時被內地省市政府以不同罪名要求香港政府將我引渡回國內，仲話今次冇呃我。我同意條友今次冇呃我，不過他被人呃。