今早跑完步去到茶餐廳，見到一個熟客呆坐。老闆示意我不要跟他打招呼，因為那位熟客的心情極度唔靚。原來，今早他本來約了一個替他投資的基金經理食早餐。在他到達之後10分鐘，那位基金經理WhatsApp 給他，表示由於投資失誤，較早前狂沽股票，以為可以替客戶搵一大筆，誰不知被人夾倉。他轉為睇好，但股市又掉頭回落，於是左一巴，右一巴，輸晒客戶的投資資金。他自問已經好努力掌舵，但仍然不能夠阻止條船下沉。他認為冇必要與那位熟客食早餐開會，祝他生活愉快云云。
老闆話他從來不投資基金，條船是屬於自己，點解唔由自己揸？老闆雖然講得冇錯，但基金亦有其價值，不
少人士在退休的時候攞到一大筆退休金，不少人會按捺不住而參加一些商業投資，最近連渣都冇，基金是幫他們把關。雖然回報很低，但勝在安全。今次事件，令人對基金的信心盡失，受損的除了他們的客戶，基金其實亦是受害者，甚至是最大受害者。老實說，我替那位熟客難過，但都是不方便騷擾他。
