今日是四日復活節假期第一日，昨晚又飲了酒，所以今日遲了去跑步。老闆叫我先飲杯咖啡，今日做節，他整了江南百花雞，問我介唔介意同班伙記一起食飯。我當然不會介意，我自小便同伙記一起吃飯，伙記食乜我食乜。不過我問老闆，點解要整江南百花雞？那是新派菜始祖，是當日那些廣州關西大少在冇事搵事做之下想出來，名過其實，所以現在已經很少人做了，甚至做的方法也失傳。
老闆話兩日前睇信報，見到大師姐話做江南百花雞，於是問雞檔老闆識唔識得起肉脫骨。雞檔老闆話掂，其實是唔掂，用了四隻雞才可以得到一塊完整雞皮。老闆話在大師姐行文中知道大師公的手藝很好，很容易就得到一塊完整雞皮。老闆問我大師公是誰，是大師姐老公、老竇、阿公？理論上應該是老公，如果是的話，就不應該稱為大師公，應該是叫大師姐夫。老闆說得對，不過，或者大師公是一個暱稱，與真正身份無關。老闆話又係，江南百花雞到，食左再講。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
乜。不過我問老闆，點解要整江南百花雞？那是新派菜始祖，