今早去到茶餐廳，見到小兒同老闆傾計，老闆見到我立刻話恭喜，原來小兒在去年中所買的新住宅單位，昨晚有新成交，樓層低了幾層，但樓價貴了幾百萬，大約是15%，小兒當然開心，他的新居還未裝修完畢，已經貴了咁多，他記得當日打算買這個單位的時候曾經問過我意見，我當時話豪宅即將啓動，千祈唔好還價，業主要幾多俾幾多，就算物業代理話可以鋤兩口價都唔好鋤，否則很容易失諸交臂，小兒從善如流。
老闆很明白，一般人叫我做大淡友其實是有誤會，即使在我發表了「細價樓爆煲論」之後，仍然有買樓，而只不過叫買細價樓的人小心兼量力而為，但仍然被不少人攻擊，這個世界，唔通叫人小心都唔得。
小兒咁早嚟到茶餐廳，一定多嘢講，仲話業主反了兩口價，個客追價成交，又抵老C牙刷，單刁是老C的伙計做，老闆問我轉唔轉軚，我話打死都唔轉，我情願被人問點解睇錯市都好過被人問點解轉軚。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
貴了咁多，