一個月Hibor 0.935，繼續下跌
今日去到茶餐廳，見到老闆被一個師奶纏住，以為佢臨老入花叢，師奶走了之後，老闆同我講，原來師奶問佢男人心態究竟是怎樣，以往日日煲靚湯，蒸魚炆雞炒菜，誰不知佢老公情願去茶餐廳食飯都唔返屋企，近日，她與一班師奶朋友去karaoke，佢老公反而日日問可不可以返屋企煮飯，師奶不明白男人心態，於是問老闆，老闆話會問我，又睇我可不可以將事件牽涉到物業投資方面。
我叫老闆問師奶有沒有買樓，如果有就容易解釋，任何買家去到新樓售樓部，見到有很多單位任揀，他們反而唔敢落搭，物業代理講多兩句就會走頭，現在就不一樣，要抽籤才有機會買樓，而且抽中的機會不高，他們就會搶住買，因為他們知道，買唔到地產商又會加價，結果每一個新樓盤都非常暢銷，於是，我叫老闆同師奶講，叫師奶話俾佢老公知道，以後每個星期一煮飯，如果唔得閒返屋企食飯，下星期一請早，老闆話好，又多一個長期客戶。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
她與一班師奶朋友去karaoke，佢老公反而日日問可不可以返屋企煮飯，師奶不明白男人心態，於是問老闆，老闆話會問我，又睇我可不可以將事件牽涉到物業投資方面。