茶餐廳亂話（174）馬場裡的棧道兵

　　天文台可能太驚青，瑪娃登陸之後才掛三號風球，其實，大家都知道當一個颱風登陸之後就會減弱，雖然風力或者達到烈風程度，但由於在減弱中，天文台實在毋須要掛三號風球，因為三號風球是一個預備訊號，表示有颱風可能會影響香港，在不會影響香港的三號風球下，我當然有去跑步，之後照例去茶餐廳。

　　老闆問我昨日馬季開鑼，有沒有去馬場，我話有，不過是在早上去馬場跑步，並沒有入場博彩，但我知道，昨日由特首林太主持開鑼儀式，不但丁財兩旺，而投注額又創新高，睇嚟今屆新政府的確幾好腳頭，老闆跟著問了一個很怪問題，馬場上有沒有棧道兵，老闆想唔到我的答案仲奇怪，我話有。

　　很多時候，在一場賽事內，一個練馬師會出兩隻以上馬匹，一定會有一隻比較熱，一隻比較冷，究竟哪一隻有機會跑出，相信只有練馬師才知道，如果兩隻馬一隻大熱，一隻冷門，賭馬的人就會很小心，恐防大熱的馬匹是吸引博彩人士注意力，其實，真正有實力贏得賽事的就是那匹冷門馬，熱門的那匹馬其實就是棧道兵，而能夠跑出的冷馬就是陳倉兵，老闆以為我講笑，我話在馬場上當然不會有棧道兵陳倉兵，練馬師這個方法叫明去底出，今次老闆明白。