茶餐廳亂話（136）中田英壽

　　今日去到茶餐廳，老闆問昨晚十四代好唔好飲，其實是一般，昨晚的不是頂級，如果是龍泉十四代或者是月泉十四代就唔同，不過要二萬幾元一枝，昨晚的十四代只是十分一價錢，算唔錯，老闆又問我記唔記得今日是什麼日子，昨晚仲同中田英壽食飯，我當然記得，77盧溝橋事變，其實滿族人最慘，愛新覺羅已經成立滿州國，佔據東北九省，日本佬要玩大佢，出兵南下，最後，滿州國又歸中國所有，如果日本唔出兵，今日都唔知道是什麼環境，可能滿州國併入日本，共產黨就沒有機會崛起，今日局面完全不同，老闆似明似唔明。

　　老闆話稍後去摩星嶺睇遼寧號航母，佢仲話日本人幾叻，七十幾年前已經可以用航空母艦偷襲珍珠港，其實，日本人都是被迫，當時，美國是日本物料供應商，根本冇錢還，唯有打仗，山本五十六知道，在偷襲珍珠港之後，日本只有六個月時間征服中國，當美國反擊，日本必敗無疑，當時是中國最危險的時候，中途島之後，形勢開始轉變，老闆又似明非明。

　　老闆話佢覺得中田英壽好似一個人，我知老闆講邊個，昨晚我亦有同中田英壽講，佢好似原田中尉，中田英壽都話係，誰是原田中尉，就是第一波偷襲珍珠港的帶隊軍官，今次老闆話係。