今早六時十分，天文台取消雷暴警告，我可以去跑步，跟著去茶餐廳食早餐，老闆話早兩日到來煩我那位物業代理剛剛走了，佢同老闆講市場上樓市最準的分析員林奮強都話樓市冇泡沫，而且簡簡單單用4個理由駁斥那些淡友，仲講林奮強戰績，在過去13年總共買入45個物業，賣走22個，現在持有23個，市值超過5億元，而市場上最唔準樓市分析員就是我，叫老闆唔好聽我分析，老闆同佢講，如果以戰績來定輸贏，博士私人在跑馬地已經唔止持有23個物業，市值高於10億元，條友聽完之後連咖 啡都唔飲就走了。
我同老闆講其實各人有各人見解，正是各自表述，唔知點解有些人將各分析員作出比較，好似要挑起事端，林奮強謙謙君子大家都知道，我同佢在摩根士丹利亦試過一起演講，那位物業代理只是多事，不過，我承認他有一句說話講得非常對，就是林奮強是最準樓市分析員，我覺得老闆的表情有些詭異，奇怪。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
而市場上最唔準樓市分析員就是我，叫老闆唔好聽我分析，老闆同佢講，如果以戰績來定輸贏，博士私人在跑馬地已經唔止持有23個物業，市值高於10億元，條友聽完之後連咖 啡都唔飲就走了。