今早又有雷暴，不過又沒有落雨，想偷懶唔去跑步都唔得，去到茶餐廳，老闆話唔好意思，昨天被一位物業代理煩我，今日請我食早餐，不過，佢又想問我，現在的細價股已經跌到得一個仙，買唔買得過，因為前幾日佢睇股評，有一位股評家在細價股尋寶，以一仙買入了一批股票，唔夠兩日，以三、四仙賣走，升幅是幾倍，所以佢心郁郁。
無論股評家，樓評家都是一樣，只會對外講他們怎樣贏，不會講輸，那位股評家，可能買了不同細價股，其中一隻一仙買入，幾仙賣走，立刻就耀武揚威，其實，他犯了一個大忌，千祈唔好教人買那些一仙股，那些股根本沒有人要，下一步就是五合一，十合一，甚至五十合一，合完之後，仍然是一仙，買那些股票，不如去賭百家樂，贏面反而較大，如果一定要我買細價樓或者細價股，我情願買細價樓，輸極有個譜，老闆聽完我講之後就同個仔講，博士都話唔好買細價股。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
睇股評，有一位股評家在細價股尋寶，以一仙買入了一批股票，唔夠兩日，以三、四仙賣走，升幅是幾倍，所以佢心郁郁。