今早在六點幾時候，我見到天氣很適宜跑步，於是立刻去跑幾個圏，知道很快就會下雨，跑完步去到茶餐廳，老闆話昨晚去附近食意大利麵，好貴，二百幾元才得一小碟，鬼佬話新鮮做，彈牙的，所以要咁貴，我叫老闆千祈唔好信，新鮮意大利麵很難煮到彈牙，而三種新鮮麵，雲吞麵，三四十元一碗，日本拉麵，九十至百三，意大利麵二百幾，我覺得三種麵最好食雲吞麵，尤其是離開香港一段時間，落機就立刻去食，現在日本拉麵店，香港好似多過日本，而且，什麼地方拉麵都可以食到，連日本人都話，去香港就可以食到唔同地區拉麵。
新鮮意大利麵是很難煮到彈牙，我並不是說一定不可以，或者有一些大師可以做到，所以，食新鮮意大利麵是最不懂得消費，要煮新鮮意大利麵，一定要要用乾貨，按照包裝上說明煮的時間減70秒，立刻倒在已經煮好的醬汁，有九成機會是彈牙，老闆話有機會試做，水吧話唔使有機會，他已經做緊，幾分鐘之後，老闆試食後話，果然是彈牙，水吧煮了很多，又的確煮得唔錯，我話大件事，早上食意大利粉，食完唔使番瞓，準備返屋企，咦，又落雨。
