由於要在復活節假期內去深圳做了一次講座，回到香港之後很攰，休息了兩日，跑步則改在晚上，所以，沒有在早上去茶餐廳食水煮麥皮，今早回復正常，跑完步去到茶餐廳，老闆問我別來無恙，我話一切皆好，只是太攰，老闆話他唔明白，點解我唔休息一下，得閒去旅行，食好嘢，現在還要去國內拓展出版市場，真的是冇事搵事做，我話一切隨遇而安，我可能有一副賤骨頭，唔做唔安樂，很多在職的人都與我一樣，如果退休唔做，很容易會衰老，老闆話他明白，只不過關心而多講一句，我回答話多謝關心。
其實老闆亦是一樣，有七八個舖位收租，根本唔需要開茶餐廳，或者將茶餐廳交給兒子打理，他依然每日開舖關門，入貨記帳，又與熟客打交道，佢話我冇事搵事做，他又何嘗不是一樣，香港人口日漸老化，現在65歲以上的人佔總人口16%，到了2030年，就會佔30%，如果大家自動自覺，冇事搵事做，對人口老化社會，一定會有幫助，不過，這個社會問題，並不是三言兩語可以解釋得到，甚至可以說這是一個難題，老闆聼完我講之後就行開，輪到太子仔同我講佢老豆唔肯退休，他有多少唔安樂，我話千祈唔好有這種想法，如果佢想佢老豆早些過身，就叫佢老豆退休，否則的話，就保持現狀，任由佢冇事搵事做就最好。
