今早去到茶餐廳，見到碗水煮麥皮是黃色，還有幾片瘦肉，問水吧伙計，佢話老闆叫加料，老闆娘專登買了一些黃薑粉，吩咐水吧加在我的麥皮，再加幾片瘦肉，價錢依然收A餐價，我話全世界，只得佢老闆同老闆娘係咁，其他老闆，只會減料，所以我唔去老闆是廚師的餐廳吃飯，因為老闆唔捨得用正料，如果廚師是伙計又唔同，唔靚料唔用，所以，廚師做伙計的時候做得非常好，做老闆之後，食品的質素變差，結果是結業收場。
一講曹操，曹操就到，老闆老闆娘在我面前，佢話最近買了一個物業，原來被介紹給他的物業代理炒了一轉，雖然有錢賺，但依然唔開心，他們正在考慮是否去EAA告那位物業代理，我話毋需要，這個情況我亦試過，以後唔經他做買賣便是了，何必毀人生計，其實，做物業代理千祈唔好炒樓，因為見到荀盤就會心思思想自己買下，不會積極介紹俾客戶，久而久之，沒有優質荀盤，客戶便會離開，那些物業代理就會被迫做專業炒家，情況同廚師做老闆差不多，成功的例子不是沒有，只是很少，但如果失敗，就會什麼也沒有，甚至連命都冇埋，所以，我認為物業代理不宜炒樓，與廚師不適合做老闆，道理都是一樣。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
咁，其他老闆，只會減料，所以我唔去老闆是廚師的餐廳吃飯，因為老闆唔捨得用正料，如果廚師是伙計又唔同，唔靚料唔用，所以，廚師做伙計的時候做得非常好，做老闆之後，食品的質素變差，結果是結業收場。