茶餐廳亂話（26）巴西空難

　　我睇過一套紀錄片，講曼聯球隊幾十年前發生空難，只有幾個球員幸免於難，紀錄片集中講曼聯如何重建球隊，想唔到幾十年之後，巴西將歷史事件重演一次，雖然同樣是空難，兩宗事故不盡相同，曼聯事故是一次經典空難，大多數是與天氣惡劣，機械故障有關，但巴西空難不但是人為，甚至和航空政策有關。

　　近日很忙，這幾日沒有去茶餐廳，今早去到，飲杯咖啡，竟然有好似返到屋企感覺，有茶客問我點睇巴西空難，點解機師要咁搏，明知道燃油可能不足夠，仍然直飛目的地，我話，這是與航空公司政策有關，因為，如果可以不用在中途加油，機師是有獎金，不過，這是道聽塗說的新聞，不能夠作準，茶客問我的消息來源，我記得，當年我去外國讀書時，坐的是波音707，續航力是可以直飛英國倫敦，但有時會在德國法蘭克福降落加油，我曾經問過一位機師箇中道理，佢話如果唔在法蘭克福加油，直飛倫敦，公司是有巨額獎金，所以，有一些機師會搏，不過，大多數都唔會，因為，唔止自己一條命，還有機上百幾人，當時我是不信，今次巴西空難，反而令我半信半疑，唔通航空公司真的是有一條這樣不文明的規矩，無論如何，空難經已發生，除了哀悼死者之外，更希望球隊重建成功。