有一位單一物業業主話他的物業是用作自住，樓價升跌對他根本沒有影響，我話，如果是自住，又唔擔心樓價升跌，就希望樓價一文不值，當物業唔值錢，唔需要租金，做生意的人成本就可以減輕，售價自然可以降低，如果樓價高，租金貴，售價自然高昂，所以，只得一個物業業主，應該希望樓價唔值錢，情況就好似利息一樣，就算冇借錢都唔好希望加息，因為加息令成本增加，最後受害的都是消費者，那人唔明白，我話，好快就會明白。
差餉物業估價署最近發出了最新差餉單，細價樓升幅驚人，有部份高達7%，如果那些物業用作收租，租金升，當然要多付差餉，睇唔到有任何問題，如果物業是用作自住，就無端端要交多%差餉，所以，如果只有一個單位，就應該希望物業唔値錢，雖然，好似唔見咗好多身家，但事實上少了支出，除笨有精。
