經準備國內化，本來在一點鐘起機的要延遲到四點，我們在候機室等了又等，好彩，我正在寫新書，剛好完成兩篇，航機內，我未食過咁難食的飛機餐，最佳解決方法就是唔食，因為我知道，落機後第一餐是非常豐富，於是，又寫文章。
唔好睇「細價樓爆論」之父、紀惠集團行政總裁湯文亮體形龐大，體重超過220磅，原來佢係一個羽毛球高手。聽日佢將會喺馬來西亞首都吉隆坡，作客同當地「羽毛球一哥」李宗偉舉行一場世紀友誼賽。
湯文亮每日游水備戰
今次湯文亮遠征馬來西亞，其實係獲當地一個地產發展商邀請，去做香港睇樓團嘅名譽領隊。本來佢話唔係好想出席呢啲商業活動，所以就向發展商提出一個條件：「同到李宗偉打波我就去」。點知對方真係答應，所以湯文亮噚日就帶埋3支私伙球拍搭飛機出發，決戰李宗偉。
李宗偉有幾勁唔使多講，為咗準備呢場同馬來西亞球王嘅激戰，湯文亮都相當重視，近一個月做足備戰工夫，除咗每朝游水半個鐘，下午跑半個鐘步，到夜晚臨瞓再行一個鐘，keep fit兼增強體能。而每個星期，都至少有一日去香港體育學院練波，間中會同香港代表隊嘅球員一齊打波。華華亦親眼見識過湯文亮打羽毛球，甚具職業水準。
波齡超過40年嘅湯文亮話之前都同幾個國家級球手打過，不過都係對方未出名、仲係青年軍嗰時打，但今次有機會同李宗偉打，就係真正硬仗，所以要認真操練。
雖然對手實力遠勝自己，湯文亮話打番平時練波時一樣水準就可以。想當年2010年，佢孖住公司同事參加中銀主辦嘅企業羽毛球比賽，有啲國企派埋省隊代表嚟打，都輸畀最後獲得冠軍嘅紀惠，證明心態比技術更重要。