曾局長被離職，由劉華頂替，很多人懷疑其能力，我認為不用多疑，劉華一定可以做得很好，除非佢係劉德華。劉華的新職是民政事務局局長，是向各政府部門，有關機構輸送所需要的款項，或者政策，亦參與紫荊勳章評核，推薦等工作，是需要一個八面玲瓏，推卻人又唔得失人的官員做局長，以往就有一個外號 everything under control 的人做局長而且做得非常稱職。至於曾局長，我並不是話他做得唔稱職，而是曾局長是大情大性，又順得人意的人，變成有患不均情況，做成今次要被離職的伏筆，當然，還有很多不為人知的事，但無真憑實據，我亦無謂作出揣測。
如果民政事務局不是由一個八面玲瓏的人做局長，必須由一個木口木面，十問九唔應，依本子辦事的人做，但最緊要是那人處事態度公平公正，就算親戚老友都冇面俾，那人以後一定會斷六親，所以，唔好以為民政事務局局長的工作很容易做，其實，非常困難。
在漢高祖劉邦打天下時，起用陳平做類似民政事務局的工作，不過，當時仍未取得天下，應該叫軍政事務局，當陳平擔當此職後，漢高祖立刻聽到很多閒言閒語，又話陳平欠債不還，又話佢溝大嫂，其實是那些將領要求不遂，講陳平壞話。劉邦當然冇聽班將領講，反而交四萬両金俾陳平到楚地進行反間計，令到項羽同范增決裂，劉邦才取得天下。及後，有人問劉邦點解夠膽起用陳平，原來，陳平雖然在朝廷碑不佳，但在他自己家鄉就受到父老信任，連分豬肉都是由他主持，認為他公正不苛，這些事，劉邦當然知道，所以，陳平受到重用。今次CY以何種評價任命劉華做局長，我們就不得而知，不如等劉華以後的表現如何再作評論。
