我都唔知道政改抑或選特首，林鄭與及主要政府官員叫泛民「袋住先」，泛民唔肯，於是搞佔中，又衝擊政府總部，很多人都很奇怪，點解泛民咁硬，「袋住先」都唔肯，其實，當初泛民有打算接受，但搞佔中的時候，認識了一班社團人士，知道「袋住先」的真正意思，所以堅決反對，但政府官員似乎仍未察覺泛民拒絕「袋住先」理由，到今日仍然講「袋住先」，似乎官員未能體察民情，情況好似當日勾地表，我曾經對官員說，這是大地產商土地儲備，就算有其他人將土地勾出，亦只不過是為他人作嫁衣裳，官員笑我傻，到我說SSD是出錯招，會減少樓宇供應量，樓價飆升，應該在樓市下跌時才出招，官員再笑我傻，仲叫我請佢食燒鵝。今次我有把握講「袋住先」真正意思，沒有官員話我傻。
我雖然冇錢，不過朋友多，連「一王，五虎，十傑」都知道，那時候，是社團的光輝歲月，那些江湖大佬，在每一次做完工作之後，就會攞一大疊銀紙出來，分俾那班少年先鋒，大多數加上一句「使住先」，其實，做江湖大佬有時都很悽慘，那些錢分分鐘問財務公司借返嚟，即使如此，都會講「使住先」，即是陸續有來，有一次，一位江湖大佬唔覺意講「袋住先」，後來他發覺那些少年先鋒在收錢之後，沒有去平時工作完畢的地方消遣，江湖大佬心想，唔通班少年知道那些給他們的錢是從大耳窿借回來，那班少年先鋒都算有情有義，不過，都隨口都問一問他們點解唔去消遣，初時冇人答，再問，有一位少年答話，大佬，你俾錢果陣，叫我們「袋住先」，即是會隨時問我們攞返，點敢使。江湖大佬明白，他只不過是自作多情，冇錢點樣做大佬，於是，叫班少年先鋒「使住先」。
今次政府又講「袋住先」，泛民梗係唔接受，他們擔心政府分分鐘還原，甚至比現在還要差，所以，唔接受「袋住先」，情願原地踏步。我唔知道政府「袋住先」真正意思，如果好似泛民想法，我就無話可說，如果意思是「行住先」，以後只會更好，何不修正用詞，使大家明白，泛民亦不需要擔心。現在，泛民就算有意接受，但始終需要一個下台階，或者，「行住先」是一個下台階。不過，如果林鄭唔明白「袋住先」和「使住先」、「行住先」分別，我就無話可說，或者，我真的是傻，想多咗。
報名 : http://marketing.omghk.com/
economicstrends2015/index.cfm
