茶餐廳手記（#1079）當印度裔執政，新加坡華人就很可

　　今日早上去茶餐廳，竟然有印度客人在坐，他意氣風發話，新加坡華裔執政者最終認清形勢，啓動去華迎印，不出二十年，印裔人口與華裔看齊，而且，現任總統印度裔的尚萬達表示，他已準備好做下一任總理，到時候，客人會移民返去新加坡居住，說到底印度人會照顧自己人，唔似得現在的新加坡的領導人不但唔會照顧華人，而且仲同中國搞對抗，印裔新加坡人唔會咁蠢，同印度搞對抗。

　　老闆話，咁樣即是新加坡印度化，印度客人唔同意，佢話新加坡本來是印度化，不過後來被華人同化，但同化還同化，新加坡個名仍然是印度梵語，大家都知道新加坡又稱獅城，梵語獅子是Singa ，城是Pura，Singapura就是新加坡，後來英國佬去印度化，改為Singapore ，不過，已經慢慢改返轉頭，已經有不少地標用Singapura，所以，新加坡印度化只是反璞歸真而已，不用大驚小怪，而且好快就會出現一位印度裔總理。

　　老闆話，現在大家擔定凳仔，剝定花生，睇吓印度人做新加坡總理之後，點樣對待華人，會不會好似今日的華裔政府官員做法一樣，要求華裔唔可以岐視印裔新加坡人，估計到時候，什麼都是印裔優先，華裔新加坡人如果冇中國政府照住，睇怕都要移民嚟香港。