今早去到茶餐廳，聽到有客人話今次被YouTuber分析員害死。幾個月前，匯豐私有化恒生，有分析員喺YouTube話恒生有大量不良貸款，匯豐股價一定下跌，客人就將手上匯豐股票沽走，當時匯豐股價剛剛超過90元，而家123元，真係損失慘重。
老闆話，匯豐溢價30%私有化恒生，而家匯豐股價升返三成係極之正常，唔識睇就沽咗匯豐股票冇辦法。所謂不良貸款並唔係壞帳，只係欠債人未能及時供款或者要做top-up，而且有足夠物業抵押，就算唔夠，都只係欠多少，唔係咁大件事。匯豐只是借個藉口易啲私有化恒生，其實對匯豐嚟講係利好消息，不過，又唔見有分析員講。
