今日早上去到茶餐廳，有客人話非常勞氣，一年多前將自住單位賣走，然後售後租回，但想唔到買家竟然是叫他賣樓的老友，在賣樓之前，那位老友不時引用分析員、玄學家話樓市最少跌兩成，叫他將自住單位賣走，客人的老友講到似層層，最後連他的老婆都叫佢賣樓，老婆叫到想唔賣都唔得，客人要求售後租回兩年，買家亦輕易答應，到現在續租，他才發覺業主就是成日叫佢賣樓的老友，今次真係日防夜防，家賊難防。
老闆話唔係，應該是家賊易防，閨蜜難防，不少已婚婦女本來有一個唔錯老公，但唔知點解，那些女人總會搵到一些小事來挑剔她的老公，本來是無傷大雅，但是那些女人好喜歡將老公缺點同閨蜜講，女人的閨蜜當然企在她的一邊，大家一齊數那個男人的不是，愈講愈激氣，本來是一些小事就講到殺人放火咁大件事，在適當時候，女人閨蜜會慫恿她離婚，一次唔得就兩次，最後女人始終離婚，離婚後女人的前夫很快就再婚，女人會發覺，前夫的老婆就是慫恿她離婚的閨蜜，仲唔係家賊易防，閨蜜難防。
上一則：
Javascript must be enabled to use this form.
敬請留言者自律。本網站保留刪除/堵截任何留言的權利。
一些小事來挑剔她的老公，本來是無傷大雅，但是那些女人好喜歡將老公