茶餐廳手記（#939）以國為中心，國強：以家為中心，國弱

　　今日早上去到茶餐廳，聽到有客人話最近走了美國一轉，雖然有700萬人示威反對特朗普為王，但仍然有不少人希望做特朗普團隊，可以撈到不少油水，子姪輩以及親戚就更唔使講，好似特朗普個仔，未成年就炒幣，已成億萬富翁，而炒幣消息來源，大多數由特朗普團隊提供，但咁搞法，美國人點可以忍受，隨時會爆發內戰。

　　老闆話，美國人當然知道大鑊，所以才有700萬人上街抗議，表示不要國王，即是唔想美國家族化，有知識有遠見的美國人都知道，一個國家領導人以國為中心，則國強，以家為中心，則國弱，特朗普現在很明顯是以家中心，不但將自己人安排在不同重要位置，貪其好使好用，甚至將一些未夠資格的人放在重要位置，例如財長貝森特，只是一個管理幾百億美元基金經理，又如何有資格管理美國財政，以為加關稅就可以解決美國財政問題，其實，加關稅就是羊毛出自羊身上，最後大都由美國人埋單，通脹上升是必然結果，如果加關稅可以解決問題，就唔輪到貝特森加關稅。

　　美國已經失去建國風格，美國建國250年，歷任總統都是以國為中心，個人資產不多，卸任後都過著平淡生活，所以美國才愈來愈強，但特朗普則反其道而行，以家為中心，美國的國運如何，大家拭目以待。