今早去到茶餐廳，見到老闆心情好靚，不斷請客人食出爐蛋撻，有客人覺得好奇怪，昨晚乜指數都大跌，比特幣跌一萬元一粒，如果揸十粒八粒，就跌咗間細價樓首期，客人唔明白老闆點解咁開心。
老闆話，古人講人生樂事有四樣，久旱逢甘雨，他鄉遇故知，洞房花燭夜，金榜題名時，現在高考金榜提名，其他三樣都沒有大不了，老闆認為應該加多一樣，買埋隔離舖，隔離舖位業一向話唔會將個舖位賣俾佢，昨晚美股比特幣大跌，隔離舖位業主終於賣個舖位俾老闆，不過要比市價高三成，老闆話冇問題，今早已經簽定了，所以咁開心，大家應該明白，就算滙豐用溢價買恒生，最多是有買貴，冇買錯。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
就算滙豐用溢價買恒生，最多是有買貴，冇買錯。