茶餐廳手記(#928)YouTuber 令媒體的收入減少
2025年10月9日
中秋節過後早上去到茶餐廳,見到有做媒體的客人在座,佢話今年的地產廣告收入減少已經預咗,但搞的活動又得不到投資者支持,連湊夠人數都有困難,投資者是否真係咁唔掂,連應酬下媒體都唔敢。
老闆話,投資者雖然被銀行call loan call到失魂,但爛船都仲有三斤釘,支持媒體絕對沒有問題,但支持之後,又會被媒體或者YouTuber 揭私穩,例如最近有一份大報以傳聞話一位投資者賣了一幢商廈,兩個星期之後,大報沒有更新消息,代表傳聞並不是真的,個別YouTuber 開始攻擊那位投資者,話他被銀行列入觀察名單,其實,觀察名單已經唔錯,以評分計,一定不會是A級,應該是B或者B+,如果跌債務違約就會跌落C,去到F就會被銀行沒收物業,經大報報道,銀行一定會召見那位投資者,見完之後仲可以響觀察名單,已經是獎勵。
老闆話曾經問過一位YouTuber ,點解咁鍾意揭人私隱,係咪見到他們閉翳,自己好開心,那人話唔係,
投資者賺錢蝕本都唔關佢事,他只是如實報道,老闆話咁就奇啦,原來未經證實的傳聞都可以如實報道,其實老闆唔知道,那些YouTuber 根本沒有正確消息來源,只是翻炒傳媒的報道,如果傳媒報道屬實,他們便可以話自己消息靈通,如果是謠傳,那就是傳媒報道失實,但YouTuber 唔知道,他們咁樣做害了傳媒,唔好講捐款支持,就算搵多個人出席那些頒奬禮都難,直接令傳媒收入減少。