茶餐廳手記（#923）馬雲買樓之後，樓市有顯著不同

　　國慶假期之後去茶餐廳，在食早餐時候，收到公司短訊，同事話有幾個在假期前傾緊交易，本來還差幾口價，但租客或者買家唔知點解不再堅持，希望今早可以落實簽約，同事質疑昨日國慶，中央有什麼特別指示，令到他們不再猶豫，同事想多了，在國慶假期間就算有什麼特別指示，都離不開安定繁榮。國慶假期前，消息傳出阿里巴巴以70億買了半幢在銅鑼灣的全新海景甲級商業大廈，有咁利好的消息，令到不少買家立刻做決定，否則蘇州過後冇艇搭，因為大家知道，阿里巴巴買樓，並不是馬雲一個做的決定，是經過專業人士分析，團隊的決定，既然要買，點解唔立刻做決定。

　　消息傳出，有不少分析員立刻表示，26,000元呎是買得貴，其實他們唔知道貴的定義，根本沒有他類型以及咁大面積商廈可以比較，想買都冇得買，分析員話貴，只是他們一向話樓市會繼續下跌，現在阿里巴巴咁大手筆買樓，他們的分析不攻自破，更何況阿里巴巴放棄租用銅鑼灣時代廣場而買樓，如果唔係睇好香港，又點會轉租為買。

　　其實，在過去兩三年，在香港的物業成交，無論是住宅抑或商業，有一半是國內人，分析員是嚇唔到國內人唔敢買樓，只會嚇到香港人賣樓或者唔敢買樓，倒頭來損失是香港人，都唔明白點解自己人坑自己人。