今日早上去到茶餐廳，所以客人都講緊一對網絡認識男女在文華中菜廳食飯，埋單八萬幾蚊，男方借尿遁，女方報警，兩個人都成為笑柄，在未知道實情之前，大家都質疑兩個人點可以食到八萬幾蚊，在知道實情之後，知道是支香檳累事，那支暱稱香檳界中的勞斯萊斯，成本二萬幾，餐廳收七萬幾，套餐四千幾，加埋一就要八萬，男仔如果是普通人家，想唔借尿遁都唔得。
有客人問，如果那支香檳是女方叫的，男仔要不要負責，老闆話，問題並不是邊個叫，而是男仔不應借尿遁，應該大家一起解決問題，甚至一起籌錢，返正都冇下一次，如果女方搵到個男仔，而最終告上法庭，相信是要負責一半餐費。
有客人問，如果想在大餐廳飲香檳王，餐廳又唔收開瓶費，唔准自攜酒水，而客人又唔想俾咁貴，
有冇一些餐廳可以接受，而又唔損害餐廳利益辦法。
老闆話古代有狸貓換太子，如果想在大餐廳飲靚酒又唔想俾咁貴，可以用太子換狸貓，自己帶支香檳王去餐廳，在點餐時，揀一支最平香檳，大約千幾元，成本兩三百，然後要求餐廳開那支香檳王，客人帶走那支比較平的香檳，在餐廳方面是沒有損失，如果客人識做，就俾多一些小費，咁就皆大歡喜，其實，唔用太子換狸貓，寧願俾多幾倍價錢飲貴酒，係會俾人笑做傻仔。
