茶餐廳手記（#863）現在投資者賣樓好似剪線頭

　　今日早上去到茶餐廳，見到有很多人，老闆娘亦要落嚟幫手，不過，老闆娘只是負責收銀，老闆話最近在網上訂購了不少便服，收到貨之後發覺有很多線頭，如果唔剪，很容易整爛件衫，所以老闆娘落嚟幫手收銀，順便剪線頭。

　　老闆問我最近忙乜嘢，我話與老闆娘一樣剪線頭，雖然有很多KOL仍然唱淡樓市，其實，樓市已經穩定落嚟，在這個時候，投資者就要剪線頭，將手上不適合的物業賣走，而事實上那些物業雖然不適合自己，但會適合某些人，正是百貨撞百客，我已經賣了十幾個非必要物業，套現十幾億，如果樓市唔再下跌，問題已經不大，大多數投資者都正在剪線頭，銀行亦非常歡迎，老實說，欠債還錢，天經地義，但不少投資者擔心賣樓的時候被那些KOL唱，我同他們講，香港言論自由，把口在他們身上，點講都可以。

　　有客人話自己都想剪線頭，不過好擔心傳媒唱佢，老闆話，做生意食得鹹魚抵得渴，傳媒要唱都冇辦法，不過，現在傳媒發覺一件事，就是很難搵投資者接受訪問，原因是不少投資者在 訪問時不是問樓市走勢，而是問他們點解要賣樓，甚至蝕本都賣，不過，以後有一個比較大方得體的答案，就是剪線頭，將不合適的物業賣走。