茶餐廳手記（#812）剛賣的飛機被打了，陣風陣亡了

　　今日早上去到茶餐廳，有客人話今次印度襲擊巴基斯坦，真係賠了夫人又折兵，不但攞唔到些少甜頭，並且損失了六架戰機，當中三至四係歐洲頂級法國製陣風戰機，最慘仲要俾中國網紅豪哥做了一個視頻，剛買的飛機被打了，九十億白花了，據聞搞到印度要通緝豪哥。

　　老闆話，印度只是精人出口，笨人出手，按照世界軍火交易慣例，賣方會要求買方將軍火用於防守，不能攻擊其他國家，否則很容易惹上外交糾紛，今次印度用陣風戰機攻擊巴基斯坦，可能在某個程度上得到法國默許，甚至是應法國要求，否則，印度是不會咁明目張膽用陣風轟炸喀什米爾。

　　今次印度攻擊巴基斯坦，可能是法國的一次推廣活動，在6月16-22日，今年法國航空展覧在巴黎舉行，陣風當然是主角，但由於陣風太昂貴，一定要揚名立萬才會吸引買家，最好做法就係搵一個絕對可以打贏佢的對手，而且自己又唔使出手，印度打巴基斯坦就合哂資格，美國亦助一臂之力，唔准巴基斯坦的F-16出戰，巴基斯坦只剩殲10C與梟龍，這兩款戰機在法國人來看，絕對不是陣風對手，在法國巴黎航空展，法國應該接單接到手軟。

　　今次真係索油索著火水，法國想都想到俾巴基斯坦用殲10C打落4架陣風，試問貴幾倍的陣風以後仲點可能搵到買家，甚至要應付已落訂的買家退錢，法國人狼狽之處，不下於印度，豪哥應該寫返首歌，剛賣的飛機被打了，陣風陣亡了。